زمان ..... آه يا زمان
زمان كانت السبورة حيط والطالب ذكي
واليوم السبورة شاشة ذكيه والطالب حيط
زمان كان بيتنا غرفة صغيرة وصالة يتجمع فيها الاقارب والجيران
و اليوم بيتنا كبير وغرف كثيرة ما فيها غير الارض و الجدران
هذا مسافر و هذا مهاجر وهذا زعلان و هذا من الدنيا طفشان
زمان كان غدانا رز وبرغل وبادنجال
نفرش الأرض وناكل من صحن واحد و ضحكتنا يسمعها الجيران
واليوم السفرة مليانه لحوم و دواجن و صحون أشكال والوان
بس يا حسرة اﻷماكن فاضية بتتمنى يتجمعوا الأهل والخلان
زمان بالدار سهرتنا و اﻷب يحكيلنا قصة وحكاية كان ياما كان و من ضحكتنا تبين اﻷسنان
واليوم سهرتنا ع الموبايل واتس و نت وفيسبوك حتى صرنا بخبر كان
زمان كنا نسأل عن بعض و نزور بعض و نتلاقا بالأحضان
واليوم من العيد للعيد لنزور بعض ورفع عتب كمان
زمان كان في تلفزيون واحد في البيت وكم قناة وفترة للأطفال وفترة للكبار
والكل مبسوطين كمان
واليوم بكل غرفة في تلفزيون وريسيفر وألف قناة وشو عم يصير ما حدا دريان
زمان كان في تلفون واحد في البيت وما يرد عليه إلا الأب أو الأم مع كل الإحترام
واليوم مع كل واحد بالبيت في عندو جهازين و من الأكل مانو شبعان
للأسف واقعنا تعيس يا أخوان وبيقولو ليش هيك عمل فينا الزمان!!!
نسينا مبادئنا وعاداتنا وحبنا لبعض وتعلمنا الإنانية وحب الذات والغيبة والنميمة صارت على كل لسان
اللي تغيّــــر واختـــلف فينا صدق المشاعر والمبادئ والقيم
كانت بيوتنا صغيره بس قلوبنا كبيرة
واليوم بيوتنا كبيرة وقلوبنا كتير صغيرة!!!
مساكم سعيد احبتي
نور الشمس